నగర పోలీసు కమీషనర్ డా.శంఖబ్రత బాగ్చి ఆదేశాలతో నగరంలో గంజాయి మరియు ఇతర నార్కోటిక్ డ్రగ్ కట్టడిలో భాగముగా ఆర్.టీ.సీ కాంప్లెక్స్, రైల్వే స్టేషన్, బీచ్ రోడ్ తదితర ప్రాంతాలలో నగర డాగ్ స్క్వాడ్ బృందాలు నిత్యం తనిఖీలు నిర్వహించడం జరుగుతుంది.ఈ తనిఖీలలో భాగముగా ఈ రోజు రైల్వే స్టేషన్ నందు అక్రమ రవాణా కాబడుతున్న 10 కేజిల 560 గ్రాముల గంజాయిని గుర్తించిన నగర నార్కోటిక్ స్నిఫర్ డాగ్ , సదరు గంజాయిని తదుపరి చర్యలకై రైల్వే పోలీసులకు అప్పగించడం జరిగినది. సదరు తనిఖీలు చేపట్టి గంజాయిని గుర్తించిన నార్కోటిక్ స్నిఫర్ డాగ్ సీజర్ ను , డాగ్ హాండ్లర్ రామ్ ప్రసాద్ నూ సిపి అభినందించడం జరిగినది.
నగరంలో గంజాయి ఇతర మాదక ద్రవ్యాలను నిర్వీర్యం చేయడంలో భాగముగా సిపి గారు ప్రత్యేక చొరవ తీసుకుని జిల్లా కలెక్టర్ గారి మరియు జివిఎంసి కమిషనర్ గారి సహకారంతో అదనముగా 08 స్నిఫర్ డాగ్స్ సేకరించి , శిక్షణ నిమిత్తం కేనైన్ ట్రైనింగ్ సెంటర్ కు పంపడం జరిగినది. ఇవి అతి త్వరలో అందుబాటులోకి వచ్చి నగరంలో గంజాయి ఇతర నార్కోటిక్ డ్రగ్స్ కట్టడిలో ముఖ్య భూమిక పోషించడం జరుగుతుంది.
