పెళ్లి బంధం, కుటుంబ వ్యవస్థ,, తల్లిదండ్రుల ప్రేమ ఇవన్నీ మన భారతీయ సంస్కృతిలో పవిత్రంగా భావించే బంధాలు.కానీ ఇవే ఇప్పుడు చెడు మార్గాలకి దారి తీయడం, ప్రాణాలు తీసే పరిస్థితి ఏర్పడడం చూసి మనసు కలచి వేస్తుంది..బంధాలు గాడితప్పుతున్నాయి. ప్రేమ పేరుతో కామం పెరుగుతోంది మానవత్వం చచ్చిపోతుంది..కొంతమంది చేసే నీచమైన పనుల వల్ల తల్లి అనే పవిత్ర బంధం కూడా చివరికి కలవరపెడుతోంది.ఇటీవలి జరిగిన కొన్ని సంఘటనలు ఎంతో దిగ్బ్రాంతికి గురిచేస్తున్నాయి..ఒక తల్లి తన ప్రియుడి కోసం ముగ్గురు చిన్నారులను చంపడం భార్య, ప్రియుడితో కలిసి భర్తను హత్య చేయడంభర్త, అక్రమ సంబంధం మాయలో భార్యను హత మార్చడం,ఇలా నిత్యం ఎక్కడో అక్కడ జరుగుతూనే ఉండడం మనం వింటున్నాం, చూస్తున్నాం.. ఇలా చంపడం, చంపుకోవడమే కాదు అక్రమ సంబంధాల వల్ల నిత్యం గొడవలతో మానసిక ప్రశాంతతలేక నరకాన్ని అనుభవిస్తున్న కుటుంబాలు కూడా చాలా ఉన్నాయి..ఇవి కేవలం నేర సంఘటనలు మాత్రమే కాదు…ఇవి మానవ సంబంధాలు , విలువల పతనానికి నిదర్శనాలు.తల్లి అనే పవిత్ర బంధం కూడా అనైతిక ఆకర్షణలలు బలైపోతున్న రోజులు వచ్చాయంటే పరిస్థితి ఎంత దారుణంగా ఉందో అర్థం చేసుకోవచ్చు..
బాధ్యతలు లేని బంధాలు – భయానక ఫలితాలు
భార్యాభర్తల మధ్య నమ్మకం తగ్గిపోవడం, బంధాలు, బాధ్యతల పట్ల అశ్రద్ధ,చిన్న చిన్న గొడవలు కూడా పెద్దవిగా మారడం, బాధ్యతల నుండి పారిపోవడం… ఇవన్నీ అక్రమ బంధాలకు దారి తీస్తున్నాయి.శారీరక సంబంధం మాత్రమే కాదు… ఇది ఒక మానసిక నైతిక నాశనం కూడా..ఆకర్షణను, కామాన్ని ప్రేమగా భావించడం, తాత్కాలిక తృప్తి కోసం జీవితాలను బలి చేసుకోవడం,ఇలాంటి పరిస్థితులు నానాటికి పెరుగుతున్నాయి.సోషల్ మీడియా – స్నేహం పేరుతో ఏర్పడే సంబంధాలుసాంకేతికత పెరిగి నేడు స్మార్ట్ ఫోన్లు, ఇంటర్ నెట్లు నిత్యం నట్టిట్లో నాట్యం చేస్తున్నాయి, మనిషి మనిషి తో మాట్లాడం మాని ఆన్లైన్ లో జీవితాన్ని గడపడం, ఆనందాన్ని గూగుల్ లో వెతుక్కోవడం ప్రస్తుత సమాజంలో పరిపాటిగా మారింది..ప్రతి ఒక్కరి చేతిలో ఫోన్, ప్రతి క్షణం సోషల్ మీడియా…ఇన్‌స్టాగ్రామ్, ఫేస్‌బుక్, వాట్సాప్ వంటి వేదికల ద్వారా కొత్త పరిచయాలు…ఆ పరిచయాలు కాస్తా ఆకర్షణగా, కామం అనే ప్రేమగా మారి, చివరకు కుటుంబాలనే బలిచేస్తున్నాయి,వాస్తవ జీవితం కంటే, ఊహాలోకంలో గడిపే తత్వం, కొత్త స్నేహాలు, పరిచయాల కోసం వెతుకులాటలు నైతిక సంబంధాల పతనానికి ప్రధాన కారణాలు అవుతున్నాయి
ఈ అక్రమ బంధాల తాలుకూ దారుణ ఫలితాలు:కన్న తల్లి చేతిలోనే పిల్లలు ప్రాణాలు కోల్పోతున్నారు భర్తలపై భార్యల దాడులు… భార్యలపై భర్తల హత్యలుపిల్లల భవిష్యత్తు అంధకారం అవ్వడం,కుటుంబ విలువలు పూర్తిగా పడిపోవడం..ఇలా ఎన్నోఇవి వ్యక్తిగత తప్పులు మాత్రమే కాదు సమాజానికి పెద్ద ముప్పులు.ఇలా ఎందుకు జరుగుతున్నాయి ?ఒంటరితనం,భార్యాభర్తల మధ్య పరస్పరం నమ్మకం సన్నగిల్లడం , ఒకరి పట్ల మరొకరికి ప్రేమ లేకపోవడం ,అశ్రద్ధసోషల్ మీడియా వాడకంపై నియత్రణ లేకపోవడం,అదుపులోలేని భావోద్వేగాలుఆలోచనలు,ఆకర్షణలు అదుపు చేసుకోలేకపోవడంతక్కువ సమయంలో ఎక్కువ ఆనందం కోసం పరితపించే మార్గాల కోసం వెతుకులాటనైతిక విలువలు మరిచిపోయిన జీవన విధానంఇప్పటికైనా మేల్కొనాలికుటుంబంలో పరస్పర గౌరవం పెరగాలి, భార్యాభర్తల మధ్య నమ్మకం, ప్రేమ వుండాలి..బాధ్యతల్లో భాగం కావాలి, బంధాల పట్ల నమ్మకం గౌరవం ఉండాలిసోషల్ మీడియా వినియోగంపై నియంత్రణ పెట్టుకోవాలిచిన్నతనం నుండే విలువలతో కూడిన బోధన చేయడంమానసిక ఆరోగ్యం గురించి మాట్లాడే వాతావరణం అవసరంస్వేచ్ఛ కాదు – బాధ్యతల జవాబుదారితనం అవసరంప్రేమ పేరుతో తప్పుడు బంధాలకు తలుపులు తీయడం కేవలం ఒకరి జీవితాన్ని కాదు – ఎంతో మంది జీవితాలను నాశనం చేస్తోంది.ప్రతీ ఒక్కరికీ బాధ్యత ఉంటుంది – తల్లిగా, భర్తగా, భార్యగా, మనిషిగా..బంధాల గౌరవాన్ని కాపాడటం మన చేతుల్లోనే ఉంది.బంధాల పరిమితిని గుర్తించని స్వేచ్ఛ , జీవితాలను అంధకారంలోకి నేడుతుందిమనిషికి,జంతువులకు మధ్య తేడా విచక్షణతో కూడిన ఆలోచనా జ్ఞానం, మనిషి ఆ విచక్షణను మరిచిన రోజు జంతువు కంటే క్రూరంగా మారుతాడు అది మనిషి మనుగడకే ప్రమాదకరం..బంధాలకు విలువను ఇచ్చి విచక్షణతో ప్రవర్తించి బాధ్యతలను నిర్వర్తించి ఉన్నతంగా ఆలోచించి ఉత్తమమైన సమాజాన్ని నిర్మించాలి..*