రాష్ట్ర వాణిజ్య పన్నుల శాఖ కార్యాలయం సభార్థినేట్ ఉద్యోగుల సంఘం ఉమ్మడి విశాఖపట్నం జిల్లా నూతన పాలకవర్గ ఎన్నికలు ఏకగ్రీవంగా నిర్వహించారు.ఈ ఎన్నికలకు ఎన్నికల అధికారులుగా ఆర్.రామ చంద్ర ప్రసాద్, సహాయ ఎన్నికల అధికారిగా దేవరాపల్లి జగన్నాథరావు వ్యవహరించారు. ఈ సందర్భంగా ఏకగ్రీవంగా ఎన్నికైన నూతన కార్యవర్గం సభ్యులతో రాష్ట్ర శాఖ అధ్యక్షులు బి.గోపాల కృష్ణయ్య ప్రమాణ స్వీకారం చేయించారు.ఈ ఎన్నికలలోజిల్లా అధ్యక్షులుగా వి. నాగయ్య, జిల్లా ఉపాధ్యక్షులు -1గా సర్వ సిద్ది వెంకట వరహాల బాబు, జిల్లా ఉపాధ్యక్షులు -2గా ఎస్.బేగం, జిల్లా ప్రధాన కార్యదర్శిగా ఏ.టి.వెంకటేశ్వర్లు, జిల్లా కార్యాలయ కార్యదర్శిగా కె.వెంకటేశ్వర్లు, జిల్లా సంయుక్త కార్యదర్శిగా
ఎస్. సింహాచలం నాయుడు, జిల్లా కోశాధికారిగా పి. రామారావు ఏకగ్రీవంగా ఎన్నికయ్యారు. వీరిని రాష్ట్ర యూనియన్ అధ్యక్షులు తదితరులు అభినందించారు.
