ఘనంగా ఈశ్వరమ్మ వర్ధంతి వేడుకలు

మాడుగుల: జయజయహే : భగవాన్ సత్య సాయి బాబా మాతృమూర్తి ఈశ్వరమ్మ వారోత్సవాల్లో భాగంగా మంగళవారం మాడుగుల సత్య సేవ సమితి ఆధ్వర్యంలో వర్ధంతి వేడుకలు ఘనంగా నిర్వహించుకున్నారు. ఈ సందర్భంగా తెల్లవారుజామున నగర సంకీర్తన నిర్వహించారు. అనంతరం మందిరంలో స్వామివారికి ప్రత్యేక పూజలు నిర్వహించి బాల వికాస్ విద్యార్థులచే పలు కార్యక్రమాలు చేపట్టారు. ఇటీవల మదమమ్మ కాలనీలో గల ఒక వ్యక్తి ప్రమాదానికి గురై ఇబ్బంది పడుతున్న తరుణంలో ఆ కుటుంబానికి నెల రోజులు సరిపడే నిత్యవసర వస్తువులను భజన మండలి బాలవికాస్ ఆధ్వర్యంలో ఈ సందర్భంగా అందజేశారు.ఈ కార్యక్రమంలో సత్య సేవ సమితి సభ్యులు పాల్గొన్నారు.