శోభన్ బాబు నటించిన రంగుల సంగీత వైభవం “బాబు” చిత్రానికి 50 వసంతాలు

భీమవరం : జయజయహే : శోభన్ బాబు నటించిన రంగుల సంగీత వైభవం “బాబు” చిత్రానికి 50 వసంతాలు పూర్తి అయ్యాయి. 1975-2025 శోభన్ బాబు 1975 లో 8 చిత్రాల్లో నటించగా 3వ చిత్రంగా మే 2న “బాబు” చిత్రం విడుదలై సంచలనమైన కలెక్షన్ వసూలు చేసింది. దర్శకులు కె రాఘవేంద్రరావు శోభన్ బాబుతో మొదటి చిత్రం “బాబు” విడుదలై 50 వసంతాలైన సందర్భంగా భీమవరంలో అఖిల భారత శోభన్ బాబు సేవా సమితి ఆధ్వర్యంలో కార్యక్రమాన్ని నిర్వహించారు. సేవా సమితి సభ్యులు భట్టిప్రోలు శ్రీనివాసరావు, పూడి శ్రీనివాస్, బొండా రాంబాబు మాట్లాడుతూ 1975 మే 2న వచ్చిన ఈ సినిమాను రాఘవేంద్రరావు దర్శకత్వం వహించారని, ఈ సినిమాలో శోభన్ బాబు, వాణిశ్రీ, లక్ష్మి ముఖ్య పాత్రలు పోషించారని, శోభన్ బాబు ఈ సినిమా ద్వారా మంచి గుర్తింపు పొందారన్నారు. ఎన్నో అద్భుతమైన సినిమాలను తెరకెక్కించి తెలుగు సినిమా చరిత్రలో తనకంటూ ప్రత్యేక పేజీని ఏర్పాటు చేసుకున్నారు దర్శకేంద్రుడు రాఘవేంద్రరావు అని, శోభన్ బాబుతో ఎన్నో చిత్రాలను చేసి అద్భుత విజయాలను అందుకున్నారని అన్నారు. రాఘవేంద్రరావు మొదటి దర్శకత్వం వహించిన బాబు చిత్రం 50 వసంతాలు చేసుకోవడం దర్శకునిగా రాఘవేంద్రరావు 50 వసంతాలు పూర్తి చేసుకోవడం విశేషమని అన్నారు. బాబు చిత్రం 53 థియేటర్లో విడుదలై రికార్డ్ సాధించిందన్నారు.మాజీ ఎమ్మెసి ఎమ్. సుధాకర్ బాబు, బి. బాలసుబ్రమణ్యం,టి. వీరప్రసాద్, టి. సాయి కామరాజు,యు. విజయ్ ఎస్. ఎన్. రావు, కుర్ర రాంబాబు, ధార సత్యనారాయణ, లంక చాముండేశ్వరావు పాల్గొన్నారు.