జీవన ప్రయాణంలో ‘కళ’ అనేది కూడా జీవితంలో భాగమైంది. కళను అభ్యసించి కళను ప్రర్శించడానికి ఆ కళాకారుడు నిరంతరం కృషి చేస్తాడు. నేర్చుకున్న కలలో అభినయాన్ని ప్రదర్శించడానికి నిర్విరామ కృషి చేస్తాడు కళాకారుడు. ప్రదర్శించిన కళకు సరైన ఆదరణ కోసం ఆ కళాకారుడు పడే శ్రమ అంత ఇంతా కాదు. కళ విజయవంతంగా ప్రదర్శింపబడాలంటే ప్రేక్షకుల ఆదరణ ముఖ్యం. ప్రేక్షకుల ఆదరణ లేనప్పుడు ఎంతటి కళ అయినా ప్రదర్శించే కళాకారుడైనా నవ్వులపాలవక తప్పదు.
కళను నేర్చుకున్న కళాకారుడు తన విద్యను ప్రర్శించడానికి చాలా శ్రమ పడాల్సిందే. ప్రేక్షకుల హృదయాలలో ఉన్నత స్థానాన్ని అలంకరించడానికి కళాకారుడు చేసిన కృషికి డబ్బుతో పాటు అహం కూడా తన భాగమై కూర్చుంటుంది. ‘నాకన్నా ఎవరు గొప్ప? నేను లేకపోతే ఈ కళాఖండం అంతమై పోతుంది – నాకు మించిన వాడు ఈ భువిలోనే లేడు’ అనే అహంకారానికి లోనవుతాడు. ఆ అహంకారమే తన పతనానికి తానే వేసుకున్న బీజం… అది వటవృక్షమై ఊడలుగా మారుతుంది .భూమిని రాజులు పరిపాలించే కాలంలో ప్రతి రాజ్యం అందమైన యువతులకు కళలను నేర్పి శత్రురాజులు రాజ్యంలో ప్రవేశానికి రహదారిగా ఎంచుకునేవారు.విజయనగర మహారాజు శ్రీ కృష్ణ దేవరాయలు పాలించే కాలంలో కళలకు, సాహిత్యానికి ఉన్న ఆదరణ మరే రాజ్యంలో ఉండేది కాదు. ఆ బలహీనతను గుర్తించిన శత్రురాజులు రాయలవారి ఆంతరంగిక రహస్యాలను ఛేదించడానికి అందమైన కళాకారిణిని ఆయనపై ప్రయోగించారు. అది గమనించని రాయలు నర్తకి నడుమ ఒంపులు ఎద సొంపులపై మోజుపడి రాజ్య పరిపాలన మరిచాడు. కళలో ఉన్న మహిమ అలాంటిది మరి. శత్రు రాజులచే ప్రయోగంలో చిక్కుకున్న రాయలు వారిని దక్కించుకోటానికి మహామంత్రి తిమ్మరుసు చాలా పాట్లు పడాల్సివచ్చింది. అది గమనించిన నర్తకి రాయలు వారికి చెప్పి తిమ్మరుసు రాజద్రోహి నింద వేసి తిమ్మరుసు కనుల గుడ్లు పీకించి జైలు పాలు చేసింది. కళకు అంతటి చాతుర్యం ఉంది మరి. కళాకారిణిని నమ్మిన రాయలు రాజ్యంలో నవ్వుల పాలయ్యాడు.
టీవీలలో యాంకర్ గా పనిచేసే ఉక్రెయిన్ అధ్యక్షుడు జలన్ స్కి కళా నైపుణ్యంతో ఉక్రెయిన్ దేశాన్నే కాదు. రష్యా, అమెరికా, బ్రిటన్ లాంటి దేశాల్లో అనేక లైవ్ షోలు చేసి శహభాష అనిపించుకున్నాడు. హాస్య, వ్యంగ్య కాళాకారుడి ఉక్రెయిన్ దేశానికి మంచి పేరు ప్రఖ్యాతలు సంపాదించి పెట్టాడు. పాప్ సంగీతంలో మైఖేల్ జాక్సన్ కి ఎంతటి ఘనత ఉందొ , హాస్య కళాకారుడిగా ఉక్రెయిన్ కి చెందిన జలన్ స్కి కి కూడా అంతటి ఆదరణ, అభిమానులు ఉన్నారు. కళాకారుని కళ ప్రేక్షకులకు నచ్చితే ఏనుగు మీద ఊరేగించవచ్చు, బంగారు ఆభరణాలు బహుమతిగా ఇవ్వొచ్చు, వీలైతే వాళ్ళ పేరు మీద భవంతులు నిర్మాణం చేయొచ్చు. కానీ రాజకీయంగా ఉన్నత పదవులలో కూర్చోబెట్టకూడదు. దానికి ఉదాహరణలు చాలానే ఉన్నాయి. అలా చేసిన యెడల దేశం నవ్వుల పాలు కాకతప్పదు. హాస్య కాళాకారుడైన జలన్ స్కి ఉక్రెయిన్ దేశ అధ్యక్షుడుగా ఎన్నుకున్నారు ఆ దేశ ప్రజలు. టీవీ షోల్లో నవ్వుకున్నట్లు హాయిగా ఉండొచ్చు అనుకున్నారేమో పాపం చప్పట్లు కొట్టి చేతులకు తుపాకులు ఇచ్చి మీ ప్రాణాలతో పాటు దేశాన్ని రష్యా నుండి కాపాడాల్సిందిగా ప్రజలను వేడుకున్నాడు జలన్ స్కి. పొరుగు దేశ రష్యా అధ్యక్షుడైన పుతిన్ తో కాలుదువ్వాడు. రష్యా శత్రుదేశాలైన నాటో, అమెరికా లాంటి దేశాలతో చేతులు కలిపి రష్యాపై యుద్దానికి దిగాడు జలన్ స్కి. రష్యా శత్రుదేశాల ఉక్రెయిన్కు యుద్ధ సామాగ్రిని అందించాడే తప్ప తమ సైనికులను మాత్రం యుద్ధానికి పంపలేదు. అలాంటి దేశాలలో అమెరికా వుంది.యుద్ధ సమయంలో అమెరికా అధ్యక్షుడు బైడెన్ కూడా రష్యాను రెచ్చగొట్టి ఉక్రెయిన్ పై ఉసిగొల్పాడు. ఉక్రెయిన్ దేశం ప్రధాన నగరాలు నాశనమయ్యే వరకు పుతిన్ కి యుద్ధ కాంక్ష తగ్గలేదు.
ఉక్రెయిన్ – రష్యా యుద్ధంలో భారత్ పాత్ర :
రష్యా – ఉక్రెయిన్ దేశాలమధ్య భీకర యుద్ధం జరుగుతోంది. నేటికీ కొనసాగుతూనే వుంది. ఉక్రెయిన్ భారతదేశ సాయం కోరింది. భారతదేశానికి శాశ్వత మిత్ర దేశమైన రష్యా వైపే మొగ్గు చూపి రెండు దేశాలు చర్చలు జరిపి శాంతిని నెలకొల్పాలని కోరుకుంది భారత్. మానవతా దృక్పథంలో భాగంగా నిరాశ్రయులైన ప్రజలకు, యుద్ధంలో క్షతగాత్రులకు ఆహారం, మందులు పంపీణీ చేస్తామని చెప్పి ఆపన్న హస్తం అందించింది భారత్. ఉక్రెయిన్ కు సైనిక సహాయం చేయం అని చెప్పగానే ఉక్రెయిన్ సైనికులకు భారత్ పై కోపం కట్టలు తెంచుకుంది. ఉక్రెయిన్ లో ఉన్న భారతదేశ వైద్య విద్యార్థులను వేధించడం ప్రారంభించి మహిళల ధన – మానాలను కూడా దోచుకుంది. ఉక్రెయిన్ సైన్యం వారి చర్యలు భారత దేశానికి తీవ్ర ఆగ్రహానికి గురి చేసింది. భారతదేశ పౌరులకు ఎలాంటి ఆపద కలిగించిన తీవ్ర పరిణామాలు ఉంటాయని భారత్ ఉక్రెయిన్ ను హెచ్చరించింది. ఉక్రెయిన్లతో ఉన్న భారతీయులను క్షేమంగా పంపాలని భారత్ ఉక్రెయిన్ కు హుకుం జారీ చేసింది. భారత యుద్ధ విమానాలు భారతీయులను క్షేమంగా తమ దేశానికి తీసుకొని వచ్చింది. ఇదే వరసలో మిగతా దేశీయులను కూడా వారి వారి దేశాలకు క్షేమంగా తీసుకొని వెళ్లాయి.
రష్యాకు వ్యతిరేకంగా యుద్ధం చేస్తోన్న ఉక్రెయిన్ కు అమెరికా ఆర్ధిక సాయం, యుద్ధ సామాగ్రి సాయం అందించింది. ఇటీవల జరిగిన అమెరికా ఎన్నికల్లో డోనాల్డ్ ట్రంప్ విజయం సాధించి రెండోసారి అమెరికా అధ్యక్ష పీఠాన్ని దక్కించుకున్నాడు. ఉక్రెయిన్తో వ్యాపార, దౌత్య సమావేశాలు జరిపాడు ట్రంప్. శ్వేత సౌధంలో ట్రంప్ స్వాగతం లోపలి ‘నువ్వు వేసుకున్న టీ-షర్ట్ నిబంధనలకు వ్యతిరేకం కదా’ అని జలన్ స్కి మీద పంచులు వేసాడు. రష్యా తమపై యుద్ధం ఆపేవరకు సూటు ధరించి సమాధానం ఇచ్చాడు జలన్ స్కి. అక్కడ రెండు దేశాల ప్రతినిధులు, జర్నలిస్టులు జరిగిన సంఘటనను హాస్యంగా చూసారు. కానీ ట్రంప్, జలన్ స్కిని కించపరిచారు అని అందరికి తెలుసు. రెండు దేశాల మధ్య ద్వైపాక్షిక సంబంధాల కొరకు ఏర్పాటైన సమావేశం నవ్వుల పాలయింది. అమెరికా మీ వెనక ఉంది; కాబట్టి నేటికీ ఓడిపోలేదు అని ట్రంప్ తన అహంకారాన్ని ప్రదర్శిస్తే జలన్ స్కి “మీరు కాదు మా వెనుక ఉన్నది – అమెరికా ప్రజల”ని కళాకారులకు ఉండే సహజమైన అహంకారం ప్రదర్శించాడు. మధ్యలో కలుగజేసుకున్న అమెరికా ఉపాధ్యక్షుడు వేన్సు కనీసం చేసిన సహాయానికి ట్రంప్ కు కృతజ్ఞతలు తెలపండి అని పదే పదే చెప్పినా జలన్ స్కి తన వైఖరి మార్చుకోలేదు. సహజంగా కళాకారుడైనా జలన్ స్కి మీద ట్రంప్ కు చిర్రెత్తింది. వైట్ హౌస్ నుండి గెట్ అవుట్ అనేశాడు. నవ్వుతో ఆహ్వానించిన ట్రంప్ కోపంతో తోసిపుచ్చాడు. ‘నీకు మేము తప్ప వేరే దిక్కులేదు’ అంటూ పౌరుష భాషను ట్రంప్ ప్రయోగించాడు. అంటే దానికి కారణం జలన్ స్కిలో రాజనీతి నైపుణ్యం లేకపోవడం, దేశ దౌత్య సంబంధాలు అంటే ఏదో టీవీ షో చేసినట్లు కాదని, జలన్ స్కి కి తెలియకపోవడం, నటులను ఆందళం ఎక్కించిన ఉక్రెయిన్ ప్రజలు రోడ్డున పడి ఇతర దేశాలకు శరణార్థులుగా మారారు. జరిగిన సంఘటన రష్యాకు వరంగా మారింది. ఉక్రెయిన్ కు సైనిక, ఆర్ధిక సహాయాన్ని ట్రంప్ నిలిపివేశాడు. ఉక్రెయిన్ దేశం మరింత అగాధంలోకి వెట్టబడింది.
మళ్ళీ జలన్ స్కి అతని సహజ కళా బుద్ధిని ప్రదర్శించి, నేను మాట్లాడింది తప్పే అని చెంపలు వేసుకొని, చెంపను పగులగొట్టుకున్నాడు. అయినా అమెరికా వైఖరి మారలేదు. కళాకారులను నమ్మి దేశ ప్రజల భవిష్యత్తును వారి చేతిలో పెడితే నవ్వుల పాలు కావడమే కాదు. దేశమైనా, సాధారణ కుటుంబమైనా నవ్వుల పాలు కావలసిందే…..
మధు బోజంకి
— 9493380080