ఆల్ టైమ్ హై..! రికార్డు ధరకు చేరిన బంగారం

అమెరికా-చైనా ట్రేడ్ వార్ తీవ్రమవుతున్న తరుణంలో బంగారం ధర ఇవాళ పది గ్రాములకు ₹6,250 పెరిగి ₹96,000 స్థాయిని దాటింది. ప్రపంచ ట్రెండ్‌లకు అనుగుణంగా వెండి ధరలు కూడా కిలోకు ₹2,300 పెరిగి ₹95,500 కు చేరుకున్నాయి. గత మార్కెట్ ముగింపులో ఈ తెల్ల లోహం కిలోకు ₹93,200 వద్ద ముగిసింది. స్థానిక ఆభరణాల వ్యాపారులు, రిటైలర్ల నుండి భారీ డిమాండ్ కారణంగా శుక్రవారం దేశ రాజధానిలో బంగారం ధరలు ₹6,250 పెరిగి ₹96,450 రికార్డు స్థాయికి చేరుకున్నాయని ఆల్ ఇండియా సరాఫా అసోసియేషన్ తెలిపింది. దేశ రాజధాని ఢిల్లీలో శుక్రవారం స్థానిక ఆభరణాల వ్యాపారులు, రిటైలర్ల నుండి భారీ డిమాండ్ కారణంగా బంగారం ధరలు ₹6,250 పెరిగి 10 గ్రాములకు ₹96,450 రికార్డు స్థాయికి చేరుకున్నాయని సరాఫా అసోసియేషన్ వెల్లడించింది. అమెరికా-చైనా వాణిజ్య ఉద్రిక్తతల మధ్య సురక్షితమైన పెట్టుబడిగా భావించి మదుపర్లు బంగారంవైపు మళ్లడంతో అంతర్జాతీయ మార్కెట్లలో బంగారం జీవితకాల గరిష్ట స్థాయిలను తాకింది. ఇది దేశీయ ధరలను కూడా బాగా పెంచిందని విశ్లేషకులు అంటున్నారు. నాలుగు రోజుల పాటు భారీగా పతనమైన తర్వాత తిరిగి పుంజుకుని 99.5% స్వచ్ఛత కలిగిన బంగారం ₹6,250 పెరిగి 10 గ్రాములకు ₹96,000 ఆల్ టైమ్ గరిష్ట స్థాయికి చేరుకుంది. ఇది మునుపటి ముగింపు 10 గ్రాములకు ₹89,750 గా ఉంది. అటు, వెండి ధరలు కూడా ప్రపంచ ట్రెండ్‌లకు అనుగుణంగా కిలోకు ₹2,300 పెరిగి ₹95,500కు చేరుకున్నాయి. గత మార్కెట్ ముగింపులో ఈ తెల్లటి లోహం కిలోకు ₹93,200 వద్ద ముగిసింది. మహావీర్ జయంతి సందర్భంగా గురువారం బులియన్ మార్కెట్లు మూసివేసిన సంగతి తెలిసిందే. ఇంతలో, జూన్ డెలివరీకి సంబంధించిన బంగారం ఫ్యూచర్స్ మల్టీ కమోడిటీ ఎక్స్ఛేంజ్‌లో ₹1,703 పెరిగి 10 గ్రాములకు ₹93,736 వద్ద మరో జీవితకాల గరిష్ట స్థాయిని తాకింది. అటు, యుఎస్ – చైనా మధ్య భౌగోళిక రాజకీయ ఉద్రిక్తతలు, సుంకాల యుద్ధాలు మరింత పెరగడంతో రూపాయి బలాన్ని ధిక్కరిస్తూ, ఎం సీ ఎక్స్ లో బంగారం తన రికార్డు సృష్టించే ర్యాలీని కొనసాగించి ₹93,500 దగ్గర తాజా జీవితకాల గరిష్ట స్థాయిలను తాకింది. హైదరాబాద్‌లో శుక్రవారం 22 క్యారెట్ల బంగారం ధర (గుడ్ రిటర్న్స్ ప్రకారం) ఒక గ్రాము రూ. 8,745గా ఉంది. అలాగే 24 క్యారెట్ల బంగారం ఒక గ్రాము రూ. 9,540గా ఉంది. ఆంధ్రప్రదేశ్‌లోని విశాఖ, విజయవాడలో ఇవే ధరలు కొనసాగుతున్నాయి. కోల్‌కతా – రూ. 87,450, రూ.95,400, చెన్నై- రూ. 87,450, రూ.95,400, బెంగళూరు- రూ. 87,450, రూ.95,400 గా ఉంది.