పలు సేవా కార్యక్రమాలు – అంతర్జాతీయ అధ్యక్షులు రామకృష్ణ
విశాఖపట్నం : జయజయహే : ఆర్యవైశ్యుల ఆరాధ్య దేవత శ్రీ వాసవి కన్యకా పరమేశ్వరి అమ్మవారి జయంతోత్సవాలు ఈనెల 7వ తేదీన ప్రపంచవ్యాప్తంగా నిర్వహించనున్నట్టు అంతర్జాతీయ వాసవి క్లబ్ అధ్యక్షుడు ఇరుకుల రామకృష్ణ మంగళవారం తెలిపారు. ఈ సందర్భంగా దేశంలో గల అన్ని క్లబ్బులతో పాటు ప్రపంచంలో గల 33 దేశాల్లో ఉన్న క్లబ్లోను అమ్మవారి జయంతి ఉత్సవాలు అంగరంగ వైభవంగా నిర్వహించనున్నారు. అనేకచోట్ల సేవా కార్యక్రమాలు, అన్నదాన కార్యక్రమాలు, గో సేవ , సర్వీస్ కార్యక్రమాలు నిర్వహిస్తున్నట్టు ఆయన తెలిపారు. జిల్లా స్థాయిలో వాసవి గవర్నర్లు ఈ కార్యక్రమాన్ని పర్యవేక్షిస్తారని, రీజియన్ జోన్ స్థాయిలో ఆయా చైర్మన్లు పాల్గొంటారని తెలిపారు.తెల్లవారుజాము నుంచే ఈ కార్యక్రమాలు ప్రారంభమవుతాయన్నారు. కాబట్టి వాసవి క్లబ్ వనితా క్లబ్ తో పాటు వివిధ అనుబంధ క్లబ్బులు సభ్యులంతా భక్తిశ్రద్ధలతో అమ్మవారి జయంతి ఉత్సవాలు ఘనంగా నిర్వహించుకోవాలని విజ్ఞప్తి చేశారు.